Papiarovyja investycyi
Iran układzie $400 młn u budaŭnictva zavodu pa vytvorčaści hazetnaj papiery. Zbudavać jaho miarkujuć u Škłovie. Kredytavać prajekt buduć iranskija banki. U svaju čarhu, na poŭnačy Iranu pabudujuć zavod, na jakim buduć źbirać traktary «Biełarus». Praŭda, u vypadku pieramieny palityčnaj sytuacyi ŭ Iranie hetyja napaleonaŭskija prajekty čakaje los analahičnych, zaklučanych z Sadamam.
Brytancy rasčaravalisia
Ambasada Vialikabrytanii ŭ Biełarusi začyniła kamercyjny adździeł. Rašeńnie ab likvidacyi adździełu pryniało Ministerstva handlu Abjadnanaha Karaleŭstva. Praca adździełu zrabiłasia biessensoŭnaj, bo mała chto z brytancaŭ žadaje rabić biznes u Biełarusi ź jaje niepradkazalnymi zakonami, źmienami ŭ padatkaabkładańni dy prydzirlivymi finansavymi kantralorami. «Brytanskich biznesoŭcaŭ nia vabiać rynki, na jakich im staviać pałki ŭ koły», — zajaviŭ pasoł Brajan Benet u interviju BiełaPAN.
«Haryzont» dla kulinaraŭ
Sioleta ŭletku «Haryzont» raspačnie vypusk mikrachvalevych piečak. Pieršaja ZVČ-pieč sydzie z kanvejeru 1 červienia. Vyrablać ich buduć na zavodzie «Bielit» u Pastavach, jaki ŭvachodzić u skład AAT «Haryzont». Na zavodzie marać davieści abjom pradukcyi da paŭmiljona piačej štohod.
Ekapadatak
Urad zaćvierdziŭ staŭki ekalahičnaha padatku. Datyčać jany najpierš «brudnych» pradpryjemstvaŭ. Tak, prava źlivać u raku pramysłovyja adkidy možna budzie nabyć za 207—3500 rubloŭ za kubametar, u zaležnaści ad kancentracyi atrutnych rečyvaŭ.
Hrošy jość hrošy
Kali kasir u punkcie abmieny valut admaŭlajecca ŭziać u vas zašmalcavany dalar — nie adčajvajciesia. Lepš paprasicie jaho jašče raz pieračytać apošniuju instrukcyju Nacbanku, jakuju razasłali pa ŭsich «abmieńnikach». Zhodna ź joj, admovicca ŭziać u vas zamiežnuju banknotu mohuć tolki tady, kali vy skleili jaje z kavałačkaŭ, husta zalili farbaj ci namalavali vusy na partrecie.
AK, AFN
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary