Z 5 pa 13 sakavika ŭ aŭstryjskim Hachfilcenie projdzie čempijanat śvietu pa bijatlonie. Biełaruskim mužčynam-bijatlanistam, jakich niama navat u dvaccatcy najmacniejšych, dajecca šaniec viarnuć stračanyja za hod pazycyi.
Alaksandar Syman, tryjumfatar spryntu ŭ słavienskaj Paklucy, zajmaje 28 radok, Aleh Ryžankoŭ — 44-ty, a pierabiežčyk-varah Uładzimier Dračoŭ — tolki 66-ty. U Kubku nacyj mužčynskaja zbornaja raźmiaściłasia na šostym miescy, a byli załatyja časy, kali biełarusaŭ nielha było sahnać z pjedestału. Tak što suśvietnaje pieršynstvo ŭ Aŭstryi dla nas znoŭ jak apošni boj u łohavie voraha.
Na minułym tydni «biełaruskija» vidy sportu adpačyvali. Acichła navat chakiejnaja lichamanka vakoł matču Łatvija—Biełaruś. Užo nichto nie vykazvaje dumak vyhnać łatvijskija kluby z Adkrytaha pieršynstva Biełarusi. 2 sakavika skončyŭsia pieršy etap čempijanatu, jaho vyjhrała mienskaje «Junactva», i ciapier pačynajecca samaje cikavaje: ad 6 sakavika pojduć čverćfinalnyja pajadynki płej-of. Ajčynnym klubam dajecca šaniec dakazać łatyšam na ladovaj placoŭcy, što biełaruski chakiej lepšy. Naprykład, mahiloŭskaje «Chimvałakno» sustreniecca z «Ryhaj-2000», što pastaviła ŭ łatvijskuju zbornuju cełych siem hulcoŭ.
Pavisła ŭ pavietry i adstaŭka hałoŭnaha trenera Michaiła Zacharava. Pastanoŭlena, što jahony los vyrašyć vykankam federacyi chakieju, pasiadžeńnie jakoha projdzie paśla 8 sakavika. Choć bolšaść i specyjalistaŭ, i zaŭziataraŭ sychodziacca na tym, što treba dać treneru mahčymaść dapracavać da čempijanatu śvietu-2005, a tam — u vypadku čarhovaha pralotu — pryhadać usio.
Na suśvietnaj arenie ciaham apošnich dvuch tydniaŭ hałoŭnaj padziejaj byli čempijanaty śvietu pa łyžnych honkach i skačkach na łyžach z tramplinu, jakija prajšli ŭ niamieckim Abersdorfie. Biełarusy tut nie parušali spakoju — vydzialajecca chiba dopinh-skandał ź Dzianisam Varabjovym — i vystupili cicha dy nieprymietna. Vyłučajecca chiba šostaje miesca Siarhieja Dalidoviča ŭ duatłonie (kańkovy + klasyčny chod) na 30 km.
Poŭny varyjant čytajcie ŭ papiarovaj i pdf-versii hazety "Naša Niva"
Aleh Rajaviec
Kamientary