«Вельмі шмат крадуць, вы не ўяўляеце!» У мінскай краме сыр сталі прадаваць у скрынях на замку
У адной з мінскіх крам пакупнікі заўважылі ноу-хау — сыр на прылаўках ляжыць у пластыкавых скрынях на замку. У кантэйнеры некалькі ўпаковак, калі хочаце купіць адну, трэба несці ўсё на касу — прадавец адамкне замок.
На відэа, якое з'явілася ў сеціве, патрапіла крама ў цэнтры горада. Гэта «Щедрый» на праспекце Незалежнасці.
«Наша Ніва» пазваніла туды. Аказалася, што цяпер у скрынях на прылаўках не толькі сыр, але і дарагія рыбныя кансервы.
«Вельмі шмат крадуць, вы не ўяўляеце, — уздыхае супрацоўніца крамы. — Гэта не звязана з мігрантамі, даўно ўжо назіраем такую карціну.
Прыходзяць і цэлымі сумкамі выносяць. Быў адзін час, што мы 200 кавалкаў сыру не далічыліся!
Не ведаю, як у іншых крамах, але мы даўно прасілі штосьці зрабіць. Гэта вымушаная мера. Супрацоўнікаў у краме не хапае, тры чалавекі на зале, няма каму сачыць за ўсім. Вось і не спраўляемся».
Па словах супрацоўніцы, пасля таго як прадукты сталі закрываць у скрыні, крадзяжоў стала адчувальна менш.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65
Каментары