Але толькі ў тым выпадку, калі яны яго падтрымаюць на прэзідэнцкіх выбарах.
Кіраўнік Ліберальна-дэмакратычнай партыі Беларусі Сяргей Гайдукевіч выступіў з нечаканай прапановай апазіцыйным дзеячам. Ён у чарговы раз заявіў пра свой намер паўдзельнічаць у бліжэйшых прэзідэнцкіх выбарах. У выпадку, калі яго кандыдатуру падтрымаюць апазіцыянеры, Гайдукевіч гатовы запрасіць іх «ва ўрад».
Аляксандру Мілінкевічу (рух «За Свабоду») прапанаваная пасада віцэ-прэм'ера, Уладзіміру Някляеву (былы кіраўнік кампаніі «Гавары праўду») — намесніка міністра культуры, Таццяне Караткевіч («Гавары праўду») — начальніка ўпраўлення Міністэрства працы і сацыяльнай абароны, Андрэю Дзмітрыеву («Гавары праўду») — намесніка міністра фінансаў, Аляксею Янукевічу (Партыя БНФ) — намесніка міністра працы і сацыяльнай абароны, Віталю Рымашэўскаму (аргкамітэт па стварэнні партыі БХД) — начальніка ўпраўлення Міністэрства спорту і турызму, Паўлу Севярынцу (БХД) — старшыні камітэта пры Саўміне па справах рэлігій, Сяргею Калякіну(Беларуская партыя левых «Справядлівы свет») — міністра працы і сацыяльнай абароны.
Прэс-служба ЛДПБ адзначае, што Сяргей Гайдукевіч вырашыў пайсці на такі крок «з улікам сітуацыі, якая склалася ў апазіцыі і немагчымасцю высунуць адзінага кандыдата ў прэзідэнты».
Каментары