$5000 за метр. У Мінску з'явіўся прэміяльны дом, які па цане пераплюне нават Depo
Гаворка пра адзін з дамоў, які будуецца ў квартале «Камфорт Парк». Візуальна ён адрозніваецца ад сваіх таварышаў і сапраўды выглядае даволі раскошна. Начынне ўнутры таксама адпаведнае. Інфармацыя пра цану метра, планіроўкі і старт продажаў у гэтым сакрэтным аб'екце не раскрываецца для шырокай публікі, аднак усё гэта лёгка можна даведацца, толькі патэлефанаваўшы ў аддзел продажаў, што зрабіла выданне «Анлайнер».
Дом пад нумарам 6 з'яўляецца часткай жылога комплексу «Камфорт Парк», які знаходзіцца на скрыжаванні вуліц Ціміразева, Панфілава, Грыбаедава і Татарскай. Узвядзенне квартала пачалося ў 2019 годзе без лішняга шуму і маркетынгавых выкрутасаў. Забудоўшчыкам выступае група кампаній «Стромінвест».
З даступнай інфармацыі пра прэміяльны дом маюцца толькі такія даныя, агучаныя прадстаўніком забудоўшчыка:
«Дом № 6 адносіцца да катэгорыі «прэміум+». Продажы кватэр пачнуцца толькі пасля завяршэння ўсіх работ. Продажы пройдуць у закрытым фармаце, бо ўжо ёсць сфармаваны ліст чакання».
Прэміяльнасць апраўдваецца наступнымі параметрамі: падземны паркінг, кругласутачны кансьерж, усяго тры кватэры на пляцоўцы, панарамныя вокны, вышыня столяў 3, 9 метра, плошчы кватэр ад 110 да 220 «квадратаў», тэрасы.
«Анлайнер» патэлефанаваў у аддзел продажаў і атрымаў інфармацыю: прыблізны кошт метра ў шостым доме — $5000. Цяпер фармуецца ліст чакання. Продажы стартуюць у канцы лета.
Па грубых падліках, самая танная кватэра абыйдзецца ў $550 000, а самая дарагая — $1 100 000. Дакладныя цэны будуць вядомыя толькі самім пакупнікам.
Статус самага дарагога жылога комплексу ў Мінску раней належаў Depo. Там жыллё прадаецца ад $3600 да $4000 за метр.
«Смурод такі, што немагчыма дыхаць». Дом у «Мінск-Свеце» тры дні залівала каналізацыяй
Як выглядае самая недарагая кватэра ў сэрцы Мінска. Усяго за 295 тысяч даляраў
Таямніца 11-га паверха: у адным з мінскіх шматпавярховікаў ёсць кватэра без суседзяў і з асабістай тэрасай
У адной з вежаў «Брамы Мінска» здаецца двухузроўневая кватэра з шыкоўнай тэрасай
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары