Расійскія інфармацыйныя агенцтвы паведамілі, які змест быў у мемарандума, які сёння дэлегацыя Расіі перадала ўкраінскаму боку на перамовах у Стамбуле. Ніякага змякчэння расійскіх пазіцый не было, патрабаванні па-ранейшаму максімалісцкія і нерэалістычныя, гэта фактычна капітуляцыя Украіны.
Мемарандум Расіі, як паведамляецца, уключаў тры раздзелы з двума варыянтамі умоў спынення агню і 31 пункт.
Крэмль па-ранейшаму патрабуе поўнага вывядзення ўкраінскіх войскаў з тэрыторыі Данецкай, Луганскай, Херсонскай і Запарожскай абласцей на працягу 30 дзён з моманту спынення агню. Гэтыя тэрыторыі, а таксама анексаваны ў 2014 годзе Крым, Расія патрабуе афіцыйна прызнаць сваімі тэрыторыямі з боку міжнароднай супольнасці.
На перыяд спынення агню ўкраінскім войскам мусіць быць забаронена перамяшчацца, акрамя як для адступлення на ўзгодненыя пазіцыі.
Украіна, паводле пажаданняў Масквы, павінна стаць нейтральнай дзяржавай, без удзелу ў вайсковых блоках. Ёй забараняецца прымаць або размяшчаць ядзерную зброю на сваёй тэрыторыі. Пастаўкі зброі з Захаду, а таксама перадача разведданых Украіне павінны быць спыненыя.
Паводле расійскіх прапаноў, ва Украіне мусяць адбыцца выбары прэзідэнта і Вярхоўнай Рады (не пазней за 100 дзён пасля скасавання ваеннага становішча), пасля чаго павінна быць падпісаная мірная дамова. Яна мусіць быць зацверджаная рэзалюцыяй Рады Бяспекі ААН, якая мае юрыдычную сілу.
Украіна павінна правесці амністыю для зняволеных прарасійскіх дзеячаў і вызваліць палонных. Таксама ставіцца ўмова забеспячэння «поўных правоў і свабод для рускамоўнага насельніцтва».
Таксама абодва бакі павінны «адмовіцца ад узаемных патрабаванняў пра кампенсацыю шкоды, нанесенай у выніку баявых дзеянняў», то-бок Украіна павінна не патрабаваць ад Расіі рэпарацый.
Цяпер чытаюць
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу8
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5050
Каментары