Міністр інфармацыі: Асобныя інтэрнэт-рэсурсы выклікаюць сур'ёзныя пытанні, цяпер вызначаем уладальнікаў
Асобныя інтэрнэт-рэсурсы выклікаюць сур'ёзныя пытанні Міністэрства інфармацыі Беларусі, заявіла кіраўнік ведамства Лілія Ананіч 4 мая на прэс-канферэнцыі ў Мінску.
Паводле яе слоў, Мінінфарм «актыўна аналізуе інтэрнэт-рэсурсы на прадмет выканання заканадаўства». «Бачым, што сёння не ўсе ўладальнікі інтэрнэт-рэсурсаў прынялі меры, каб іх прадукцыя ў поўнай меры адпавядала нацыянальнаму заканадаўству», — сказала Ананіч.
Міністр падкрэсліла, што адпаведнасць заканадаўству азначае размяшчэнне дакладнай інфармацыі, «інфармацыі, якая спрыяе развіццю грамадства і дзяржавы і ні ў якім разе не наносіць шкоду нацыянальным інтарэсам».
Яна нагадала, што новы закон аб СМІ прадугледжвае адказнасць уладальнікаў інтэрнэт-рэсурсаў. Зараз ідзе праца па вызначэнні ўладальнікаў інтэрнэт-рэсурсаў, зарэгістраваных па-за зонай.by. «Усе ў нас у нацыянальнай інфармацыйнай прасторы роўныя перад законам», — падкрэсліла Ананіч.
«Гэтая праца працягваецца. Яшчэ дастатковае поле дзейнасці ў гэтым кірунку ў дзяржавы», — сказала Ананіч.
У Беларусі 1 студзеня 2015 года набылі моц папраўкі ў закон «Аб сродках масавай інфармацыі». Адна з галоўных навацый заключаецца ў тым, што дзеянне закона аб СМІ, за выключэннем патрабаванняў аб дзяржаўнай рэгістрацыі, распаўсюджваецца на інтэрнэт-СМІ. Гэта азначае, што інтэрнэт-рэсурсы цяпер нясуць адказнасць за публікацыі ў сетцы нароўні з афіцыйнымі СМІ. Пры гэтым у законе вызначаныя ўмовы, пры якіх магчымае абмежаванне доступу да інтэрнэт-СМІ. Адказнасць за змест кантэнту ляжыць на ўладальніках інтэрнэт-рэсурсаў.
Цяпер чытаюць
Маладую арганізатарку вяселляў асудзілі за «распальванне варожасці»3
Каментары