960 рублёў на месяц. Колькі грошай прыходзіцца на сярэднюю беларускую сям'ю
Сярэдняя беларуская сям'я ў мінулым годзе мела 962,3 рубля ў месяц, паведамляе Белстат па выніках выбарачнага абследавання хатніх гаспадарак паводле ўзроўню жыцця. У гарадах і пасёлках гарадскога тыпу гэтая сума склала 1 034,3 рубля ў месяц, у сельскіх населеных пунктах — 773 рублі.
У пераліку на даляры па сярэднеўзважаным курсе Нацбанка сума, якой у мінулым годзе штомесяц мела сярэднестатыстычная беларуская сям'я, склала 481 даляр.
Штомесячныя спажывецкія расходы сярэдняй сям'і ў мінулым годзе склалі 677,7 рубля: гарадах і пасёлках гарадскога тыпу - 748,2 рубля, у сельскіх населеных пунктах - 492,5 рубля.
Сярэдняе беларускае сямейства ў 2016 годзе больш за ўсё траціла грошай на харчаванне - 41,5% (год таму - 41,9%). На нехарчовыя тавары сыходзіла 31,6% у месяц (год таму — 32,7%), на аплату паслуг — 23,6% (год таму - на 21,9%), а алкаголь і тытунь — 3,3 % (год таму - 3,5%).
Тым часам у Беларусі працягвае расці колькасць сем'яў, якія жывуць за мяжой беднасці. У 4-м квартале мінулага года ў 170 тысяч хатніх гаспадарак штомесячны даход не перавышаў бюджэт пражытачнага мінімуму. Для параўнання: у ліпені-верасні за нацыянальнай рысай беднасці знаходзілася амаль 158,8 тысячы сем'яў.
Часцей сталі аказвацца за мяжой беднасці адзінокія беларусы - 1,8% ад агульнай колькасці гэтай катэгорыі. Год таму - 1,5%.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары