У Прылуках пад Чарнігавам дрон трапіў у дом начальніка пажарнай часткі. Загінула ўся яго сям'я
Сярод загінулых яго 46-гадовая жонка, 27-гадовая дачка, а таксама аднагадовы ўнук. Жанчын з дзіцём знайшлі пад заваламі.
У выніку ўдараў дронамі па горадзе Прылукі Чарнігаўскай вобласці Украіны загінулі 5 чалавек, яшчэ 6 атрымалі раненні.
Сярод загінулых — сям'я начальніка начальніка пажарнай часці. Сам ратавальнік гэтай ноччу з пажарнай камандай знаходзіўся на месцах ліквідацыі наступстваў удараў.
Загінулі яго 46-гадовая жонка, 27-гадовая дачка, якая працуе патрульнай паліцэйскай, а таксама аднагадовы ўнук.
«Загінула яго сям’я. Жонка. Дачка — патрульная паліцэйская. І яе аднагадовы сын. Ратавальнік у тую жахлівую ноч разам з пажарна-выратавальнай камандай знаходзіўся на месцах ліквідацыі наступстваў удараў ворага. Мае спачуванні з прычыны непапраўнай страты. Забойствы і пакуты мірных жыхароў — гэта стыль жорсткай Расіі, для якой чалавечае жыццё не мае ніякай каштоўнасці», — напісаў кіраўнік МУС Ігар Кліменка.
Паводле папярэдняй інфармацыі, расіяне ўжылі не менш за шэсць беспілотнікаў тыпу «Герань».
Горад Прылукі знаходзіцца на поўдні Чарнігаўскай вобласці, за 120 км ад Кіева і за 150 км ад мяжы з Расіяй.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення17
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары