У мінскіх крамах заўважылі мяса ў правакацыйных упакоўках і без маркіровак. Адкуль?
«Спачатку сасі, потым жуй», — напісана на адной з упаковак. Журналісты Onliner разабраліся ў паходжанні загадкавага тавару.
Такія тавары заўважылі як мінімум у «Еўраопце» на Мантажнікаў, ТЗЦ Palazzo і «Кароне-Замак». На іншай упакоўцы напісана «Сасіжуі з мяса (сабакена) чыкена». Пры гэтым нідзе не ўказаныя ні склад, ні штрых-код, ні вытворца прадукту.
У «Кароне» патлумачылі, што не ведаюць, адкуль гэта мяса ўзялося на іх прылаўках. І выказалі здагадку, што яго нехта падкінуў.
У спробах знайсці вытворцу незвычайнага прадукту журналісты Onliner пабачылі сайт, на якім апублікаваныя падобныя этыкеткі. І, чамусьці, выява Ілана Маска.
На адной са старонак быў кантакт вытворцы, які сказаў:
«[Прадукт] не прадаем, пакуль што толькі эксперыментуем. Для паўнавартаснай вытворчасці трэба прайсці нямала этапаў. Гэта маркетынгавая кампанія, каб паглядзець на рэакцыю, — адказалі журналістам, удакладніўшы, што рэцэпты мяса яшчэ «сырыя», толькі «дызайн упакоўкі гатовы на 100%».
Тады Onliner запытаў, ці не баіцца прадпрымальнік штрафаў за тое, што проста падкідвае мяса ў крамы:
«Калі шчыра, мяне больш за ўсё палохае памерці, так нічога і не зрабіўшы. А перад тым, як заняцца такой партызаншчынай, я ўважліва перачытаў Кодэкс аб адміністрацыйных правапарушэннях — і, шчыра кажучы, артыкулы, прыдатнай пад «выклаў надзвычайны прадукт у краме без дазволу», не знайшоў. Гэта не спроба абысці сістэму, а хутчэй спроба праверыць, як народ адрэагуе на ідэю. Нікога не падманваю, не прадаю, проста кладу», — сказаў ён.
Юрыстка Таццяна Рэвіцкая пракаментавала журналістам сітуацыю. Па яе словах, дзеянні такога вытворцы можна палічыць, згодна з артыкулам 19.1 КаАП, за дробнае хуліганства.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары