Амерыканскія навукоўцы паспяхова кланавалі чарнаногага тхара, які знаходзіцца пад пагрозай знікнення. Для стварэння клона быў выкарыстаны генетычны матэрыял асобіны, які замарозілі яшчэ ў 1988 годзе.
Тхор з’явіўся на свет 10 снежня. Самку назвалі Элізабет Эн. Сурагатнай маці для Элізабет Эн стала самка звычайнага тхара. Гэта першы выпадак у ЗША кланавання жывёлы, якая знаходзіцца пад пагрозай вымірання.
Чарнаногі тхор — драпежнік, які ў асноўным харчуецца лугавымі сабачкамі. Праз барацьбу амерыканскіх фермераў з лугавымі сабачкамі, якія знішчалі пасевы, тхарам не хапала ежы, таму з XIX стагоддзя іх папуляцыя стала рэзка скарачацца.
У 1979 від прызналі вымерлым, але праз два гады у штаце Ваёмінг знайшлі папуляцыю са 130 асобін. Каб не дапусціць вымірання віда, навукоўцы злавілі 18 з іх, пасля чаго тхары былі памешчаныя ў спецыяльныя ўмовы, дзе яны пачалі даваць патомства.
У нас у Беларусі жыве тхор лясны, або чорны (Mustela putorius). Ëн шырока распаўсюджаны. Яго па-беларуску ў некаторыя мясцовасцях называюць яшчэ шашок.
На сённяшні дзень у ЗША налічваецца больш за тысячу асобін чарнаногага тхара. Згодна з класіфікацыяй Міжнароднага саюза аховы прыроды, гэты від знаходзіцца пад пагрозай знікнення. Мяркуецца, што стварэнне клонаў дапаможа аднавіць генафонд папуляцыі, піша BBC.
Цяпер чытаюць
«Мы кідалі камяні, каб яны не ўзляталі». Адным з тых, хто спрабаваў спыніць дроны, што выляталі з фур, быў беларус Антон33
Каментары