У Курскай вобласці абрынуўся чыгуначны мост падчас праходжання па ім грузавога цягніка. Частка вагонаў звалілася на аўтамабільную дарогу, ёсць пацярпелыя.
Уначы ў Жалезнагорскім раёне Курскай вобласці абрынуўся чыгуначны мост, калі па ім праходзіў грузавы лакаматыў.
Як паведаміў кіраўнік Курскай вобласці Аляксандр Хінштэйн, частка таварнага поезда ўпала на дарогу пад мостам. Цеплавоз загарэўся.
У выніку здарэння, папярэдне, пацярпелі не менш за трох чалавек. Адзін з машыністаў з траўмамі ног быў дастаўлены ў бальніцу
Аўтамабільная дарога пад мостам перакрыта. Паводле папярэдняй інфармацыі, прычынай здарэння магла стаць дыверсія.
Напярэдадні ў Бранскай вобласці абрынуўся аўтамабільны мост, з-за чаго сышоў з рэек пасажырскі цягнік, які накіроўваўся ў Маскву. У выніку той аварыі загінулі сямёра чалавек, каля 70 атрымалі траўмы.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары