У канцы мая ў Кастрычніцкае РАУС з заявай звярнуўся 40-гадовы мясцовы жыхар. Ён паведаміў, што згубіў цукеркі і 180 рублёў.
Мужчына зрабіў пакупкі ў краме па вуліцы Вольгі Соламавай і забыў скрынку з цукеркамі на століку. Калі апамятаўся і вярнуўся, то ўжо нічога не было, паведамляе абласная міліцыя.
Аказалася, што 48-гадовая гарадзенка забрала сабе пакінутую скрынку, прыйшоўшы дадому, знайшла там грошы, але пра знаходку нікому не паведаміла.
Дарэчы, калі жанчына зноў прыйшла ў краму, там яе чакалі супрацоўнікі міліцыі. Скрадзенае яна вярнула пацярпеламу.
Заведзена крымінальная справа па артыкуле «Крадзеж». Санкцыя артыкула прадугледжвае максімальнае пакаранне ў выглядзе пазбаўлення волі на тэрмін да трох гадоў.
Міліцыя нагадвае, што маёмасць, часова пакінутая ўладальнікам без нагляду, лічыцца ў яго валоданні. Яе прысваенне кваліфікуецца як крадзеж.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў25
Каментары