Кыргызстан дазволіў айцішнікам з Беларусі і яшчэ некалькіх краін постсавецкай прасторы працаваць без рэгістрацыі і дазволу. Гэта прадугледжана праектам «Лічбавы качэўнік», паведамляецца на сайце мясцовага Міністэрства эканомікі і камерцыі. Такім чынам Кыргызстан хоча павялічыць прыток рэлакантаў, якія працуюць у сферы лічбавых тэхналогій, паведамляе dev.by.
Для айцішнікаў у Кыргызстане распрацавалі спецыяльны гайд — пакрокавую інструкцыю для атрымання статусу «Лічбавы качэўнік».
Уладальнік статусу «Лічбавы качэўнік» («Digital nomad»):
- вызваляецца ад рэгістрацыі па месцы пражывання на тэрыторыі Кыргызстана;
- атрымлівае дазвол на працу да 12 месяцаў з магчымасцю падаўжэння да аднаго года;
- аўтаматычна атрымлівае персанальны ідэнтыфікацыйны нумар (пін);
- можа працаваць у якасці ІП і юрыдычнай асобы;
- мае права адкрываць і карыстацца рахункамі ў банках Кыргызстана без абавязковай рэгістрацыі па месцы пражывання.
Айцішнікі са статусам «Лічбавы качэўнік» атрымаюць спецыяльны электронны дакумент, які мае спецыяльны QR-код.
Блізкія сваякі такіх спецыялістаў (муж (жонка), непаўналетнія дзеці), а таксама іншыя асобы, якія знаходзяцца на іх утрыманні, таксама маюць права атрымаць дакументы, што дазваляюць уязджаць у Кыргызстан і знаходзіцца на яго тэрыторыі.
-
Смеццевыя кантэйнеры на памежным пераходзе перапоўненыя прадуктовымі пакетамі ад Лукашэнкі і расійскімі лагернымі робамі ФОТАФАКТ
-
У Польшчы параўналі мігрантаў з Беларусі і Украіны: адных аднеслі да «прагрэсіўных», другіх — да «кансерватыўных»
-
Беларусы ў Польшчы атрымліваюць дзіўныя лісты з патрабаваннем пакінуць краіну цягам 10 дзён
Цяпер чытаюць
«Нейкая Ліза, якой 20 гадоў, судзіцца з Лукашэнкам» — вялікая гутарка з новай віцэ-спікеркай КР Лізаветай Пракопчык7
Каментары