30 снежня адбылася відэаразмова прэзідэнта Расіі Уладзіміра Пуціна і Старшыні КНР Сі Цзіньпіна. Пуцін трымаўся на ёй пакорліва і прасіцельна.
«Не сумняюся, што мы знойдзем магчымасць сустрэцца асабіста. Чакаем вас, паважаны спадар Старшыня, дарагі сябар, чакаем вас вясной наступнага года з дзяржаўным візітам у Маскву. Гэта прадэманструе ўсяму свету трываласць расійска-кітайскай сувязі па ключавых пытаннях», — сказаў Пуцін падчас відэаканферэнцыі паміж двума лідарамі, што транслявалася па расійскім дзяржаўным тэлебачанні.
Таксама Пуцін заявіў, што мае намер умацоўваць ваеннае супрацоўніцтва з Кітаем.
«Вядома, асаблівае месца ва ўсім комплексе расійска-кітайскіх адносінаў займае ваеннае і ваенна-тэхнічнае супрацоўніцтва, якое спрыяе гарантаванню бяспекі нашых краін і падтрыманню стабільнасці ў ключавых рэгіёнах. Мы нацэлены ўмацоўваць узаемадзеянне паміж УС Расіі і Кітая», — дадаў ён.
Аднак, як заўважыла агенцтва Reuters, словы і настрой Пуціна ў ягоным выступе, які доўжыўся 8 хвілін, кантраставалі са значна больш стрыманым і кароткім выступам Сі Цзіньпіня.
Хоць Сі і выказаўся на карысць пашырэння стратэгічнага супрацоўніцтва з Расіяй на фоне «няпростай» сітуацыі ў свеце, ён пры гэтым ніяк не адрэагаваў на запрашэнне свайго калегі ў Маскву.
«Улічваючы няпростую, далёка не адназначную міжнародную абстаноўку, мы гатовы нарошчваць стратэгічнае ўзаемадзеянне з Расіяй і даваць адно аднаму магчымасці заставацца глабальнымі партнёрамі на карысць народаў нашых краін і ў інтарэсах стабільнасці ва ўсім свеце», — заявіў кітайскі лідар.
Нагадаем, што, нягледзячы на тое, што Расія нядаўна стала галоўным пастаўшчыком сырой нафты ў Кітай і публічна падтрымала кітайскія прэтэнзіі на Тайвань, сам Пекін да гэтага часу стараўся не аказваць прамой матэрыяльнай падтрымкі Маскве ў яе ваенным уварванні ва Украіну, бо гэта магло б справакаваць Захад на ўвядзенне новых санкцый супраць Кітая.
Пекін у той жа час ўстрымліваецца і ад прамога асуджэння вайны, замест гэтага падкрэслівае неабходнасць міру. Пры гэтым Пуцін у верасні публічна прызнаў, што яго кітайскі калега «занепакоены» дзеяннямі Расіі.
Па словах прэс-сакратара Крамля Дзмітрыя Пяскова, дата магчымага дзяржаўнага візіту Сі Цзіньпіня ў Маскву яшчэ нават не прызначана.
Цяпер чытаюць
«Мы кідалі камяні, каб яны не ўзляталі». Адным з тых, хто спрабаваў спыніць дроны, што выляталі з фур, быў беларус Антон42
Каментары
Каждый сверчок знает свой шесток. путин занимает такую же позу перед Си, как лукашенко перед путиным.
Для большей убедительности надо было конспектировать каждое слово великого кормчего Китая, как конспектирует, за путиным, лукашенко.
Простите, но в лизоблю...дстве путину ещё расти и расти до высот лукашенко.