Выглядае, што супрацоўнікі органаў дагэтуль шукаюць, хто можа быць датычны да падрыву расійскага самалёта ў Мачулішчах.
Вядома, што сілавікі заходзілі да некаторых уладальнікаў дронаў. Напрыклад, да тых, хто проста здымае Беларусь з паветра. Глядзелі беспілотнікі, задавалі пытанні, не затрымлівалі. Супрацоўнікі органаў былі адзетыя ў цывільнае.
Нагадаем, ранкам 26 лютага на аэрадроме ў Мачулішчах былі чутныя два выбухі. Паведамлялася, што пацярпеў вельмі каштоўны расійскі самалёт дальняй разведкі ДРЛВ А-50, ён быў падарваны ў двух месцах. Усяго такіх самалётаў у Расіі, сапраўдных і няспраўных, дзевяць. Ён выкарыстоўваўся для навядзення расійскіх ракет на цэлі ва Украіне.
Адказнасць за выбухі на аэрадроме ўзяла на сябе ініцыятыва беларускіх сілавікоў супраць дыктатуры BYPOL. Яна сцвярджае, што гэта зрабілі беларускія падпольшчыкі з дапамогай дронаў.
Каментары