У Мінску ў сувязі з рэзкім пагаршэннем умоў надвор’я з 12:00 16 снежня па 9:00 19 снежня ўведзены рэжым функцыянавання Мінскай гарадской падсістэмы дзяржаўнай сістэмы папярэджання і ліквідацыі надзвычайных сітуацый «Павышаная гатоўнасць».Пра гэта паведаміў памочнік начальніка Мінскага гарадскога ўпраўлення МНС Віталь Дэмбоўскі.
Згодна з распараджэннем Мінгарвыканкама, усім кіраўнікам прадпрыемстваў і арганізацый незалежна ад формаў уласнасці і ведамаснай прыналежнасці, неабходна прыцягнуць усе наяўныя сілы і сродкі для ліквідацыі наступстваў снегападаў сумесна з камунальнымі службамі.
МНС нагадвае, што пры выхадзе на вуліцу людзям трэба ўлічваць ўмовы надвор’я і быць вельмі ўважлівымі да сябе і адзін аднаго. Пры выяўленні надзвычайнай сітуацыі неабходна паведаміць у МНС па тэлефоне 101.
0
0
0
0
0
0