Расейская прэса камэнтуе чарговы віток нафтагазавага канфлікту Расеі і Беларусі.
«Расія пачынае новую газавую вайну з Беларуссю» — так пачынае матэрыял «Адключальны манеўр» газета «КоммерсантЪ». Выданне зазначае, што Беларусь «у першым паўгоддзі аплачвала 55% кошту газу з умовай пагашэння астатніх 45% ($456,16 млн.) да 23 ліпеня. Аднак у гэты дзень гэтыя грошы ў «Газпром» не паступілі». «У расійскай газавай манаполіі ўпэўнены, што ў беларусаў грошы ёсць. У чэрвені ААТ «Белтрансгаз» атрымала $625 млн. ад «Газпрома» ў якасці аплаты за 12,5% акцый ААТ. Апрача таго, пачынаючы з 1 студзеня 2007 года «Белтрансгаз» збірае з беларускіх прамысловых спажыўцоў $140 за 1 тыс. куб. м газу, а «Газпрому» на працягу паўгода вяртаў толькі $55. «Мы ведаем, што грошы захоўваюцца на спецрахунку ў Нацбанку, аднак улады Беларусі не дазваляюць «Белтрансгазу» выкарыстоўваць свае накапленні для разлікаў з «Газпромам», — сцвярджае крыніца Ъ у «Газпроме», — піша газета.
«Дагэтуль Мінск разлічваў на тое, што Масква выдасць «братам‑сябрам» крэдыт у 1,5 млрд. дол., якія і павінны пайсці на аплату даўгоў перад «Газпромам». Урад ужо ўхваліў выдачу крэдыту — пра гэта заявіў кіраўнік Мінфіна Аляксей Кудрын. Але для таго каб перадача грошай адбылася, неабходна ўнесці папраўкі ў бюджэт Расіі. Поўны пакет паправак будзе канчаткова падрыхтаваны толькі ў кастрычніку, а значыць, у найбліжэйшыя тры месяцы Беларусь мусіць сядзець на мізэрным газавым пайку», — піша «Московский комсомолец».
«Цяпер беларускія чыноўнікі вырашаюць, як адрэагаваць на гэтыя заявы кіраўніцтва прадпрыемства («Газпрома». — БелаПАН.), бо, паводле іх слоў, скарачэнне паставак стала для іх поўнай нечаканасцю. Аднак прадстаўнікі «Газпрома» заявілі, што ў Беларусі ёсць час адаптавацца да новых умоў і знайсці шляхі выйсця з газавага крызісу, бо спажыванне газу ў краіне ў летні перыяд стабільна зніжаецца», — зазначае інтэрнет‑выданне «Ytro.ru».
«Улічваючы вопыт расійска‑беларускіх адносін у нафтагазавай сферы, цалкам можна чакаць, што «далейшым крокам» Аляксандра Лукашэнкі будзе перакрыццё транзіту расійскага газу цераз тэрыторыю Беларусі», — прагназуе «Газета.ru».
«Прэзідэнт Беларусі разлічвае расцягнуць канфлікт да расійскай перадвыбарнай кампаніі 2008 года, — мяркуе намеснік генеральнага дырэктара Цэнтра палітычных тэхналогій Аляксей Макаркін. — Маўляў, нападкамі на Беларусь у перадвырабны перыяд расійскія ўлады будуць апасацца сябе скампраметаваць у вачах грамадскасці, і тут Беларусь зможа штосьці выйграць». Аднак палітолаг перакананы, што Лукашэнка памыляецца: «Ён праецыюе на цяперашні час перыяд 90‑х гадоў. Уладам тады было неабходна падтрымліваць імідж «аднавіцеля СССР», каб пазбавіцца амплуа разбуральнікаў імперыі. Таму Расія і падладжвалася пад краіны СНД, у тым ліку і пад Беларусь». Але цяпер сітуацыя змянілася: Уладзіміру Пуціну не трэба пазбаўляцца нейкага негатыўнага іміджу, і яго пераемніку гэта не трэба будзе. «Таму Лукашэнка вельмі памыляецца, калі разлічвае, што ў перыяд перадвыбарнай кампаніі Расія не асмеліцца выстаўляць Беларусі ўмовы», — піша «Газета.ru» аб палітычных наступствах нафтагазавага канфлікту.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары