Завяршыўся афіцыйны двухдзённы візіт у Беларусь прэзідэнта Сербіі Таміслава Нікаліча.Самалёт сербскага прэзідэнта вылецеў з Нацыянальнага аэрапорта Мінск.
У цырымоніі провадаў сербскага лідара прыняў удзел міністр замежных спраў Беларусі Уладзімір Макей.
12 сакавіка адбыліся перагаворы кіраўнікоў дзяржаў. Аляксандр Лукашэнка і Таміслаў Нікаліч абмеркавалі ўвесь спектр беларуска-сербскіх адносін, уключаючы супрацоўніцтва ў гандлёва-эканамічнай, навукова-тэхнічнай і гуманітарнай сферах, узаемадзеянне на міжнароднай арэне.
Па выніках сустрэчы была падпісаная сумеснай заява, у якой кіраўнікі дзяржаў засведчылі ўзаемнае імкненне да далейшага ўмацавання доўгатэрміновага ўзаемавыгаднага супрацоўніцтва паміж дзвюма дзяржавамі як на двухбаковай аснове, так і ў фармаце шматбаковага ўзаемадзеяння.
У другі дзень візіту, 13 сакавіка, адбыліся сустрэчы сербскай дэлегацыі з дзелавымі коламі Беларусі, у парламенце. Таміслаў Нікаліч наведаў розныя аб'екты і прадпрыемствы ў сталіцы.
Перад адлётам прэзідэнт Сербіі ўсклаў вянок да манумента Перамогі ў Мінску.
Каментары