Вольгу Класкоўскую арыштавалі: яе абвінавачваюць у замаху на забойства былога мужа
Вольга Класкоўская ад 30 сакавіка знаходзіцца ў жаночай турме Окерсбэрга ў Стакгольме.Яна абвінавачваецца ў замаху на забойства свайго другога мужа. Меру стрымання для Вольгі шведскі суд будзе разглядаць 15 красавіка.
Радыё «Свабода» распытала пра сітуацыю сябра Класкоўскай, эмігранта з Беларусі ў Швецыю Алеся Ліцвінчыка.
З ягоных словаў, інцыдэнт, які прывёў да арышту, здарыўся ў кватэры мужа, якога зваць Гёкай Безгін.
Рэч у тым, што працэдура разводу не скончылася, і Вольга мела права жыць у мужавым памяшканні.
Са старшай дачкой Класкоўскай ад першага шлюбу, Міраславай, Ліцвінчык мае «кантакт праз тэлефон». «Яна сказала, што ў яе ўсё ёсць, усё выдатна, ежа ёсць. Грошы на тэлефон я ёй паклаў, яна цяпер мае кантакт са сваёй бабуляй у Беларусі. Але ў любы момант яна можа прыйсці да мяне жыць».
«Шведская паліцыя таксама турбуецца і шукае Міру, бо ёй усё ж усяго 11 гадоў. Але я пацвярджаю, што з ёю ўсё добра», — кажа Ліцвінчык.
З ягоных словаў, Міраслава можа або сам вылецець у Беларусь, або па яе можа прыляцець бабуля.
Дзе цяпер знаходзіцца былы другі муж Класкоўскай і што з ім, Ліцвінчык не ведае.
Алесь Ліцвінчык лічыць, што справа супраць Класкоўскай скончыцца яе дэпартацыяй у Беларусь.
Вольга Класкоўская — гэта эмігрантка з Беларусі. Яна атрымала статус палітычнай уцякачкі, што надало яе пабытовым канфліктам грамадскі розгалас і палітычнае вымярэнне.
* * *
Маці Вольгі Класкоўскай Людміла кажа, што сёння ёй паведамілі пра затрыманне яе дачкі шведскай паліцыяй.
«Я падняла на ногі ўсіх, каго магла… Сёння мне патэлефанавалі з МЗС, супрацоўнік МЗС Станіслаў Венцель паведаміў, што ім удалося звязацца з паліцэйскай службай Швецыі, і там сказалі, што Вольга арыштаваная і знаходзіцца ў турме. Ёй прад’яўленае абвінавачанне ў замаху на забойства мужа».
Вольга Класкоўская, якая пасля таго, як шведская паліцыя забрала ў яе сына Адэма, з 27 сакавіка не выходзіла на сувязь з маці — Людмілай Класкоўскай.
27 студзеня Вольга паслала маці СМС, што яе запрасіў на спатканне з сынам Адэмам былы муж. Людміла Класкоўская мяркуе, што ён арганізаваў нейкую правакацыю. Людміла не можа дазваніцца і да старэйшай Вользінай дачкі — Міраславы. Дзе цяпер дзяўчынка, ёй невядома.
Шведская прэса паведамляе пра інцыдэнт у Стакгольме:жанчына была арыштаваная ў суботу, пасля таго як некалькі разоў ударыла былога мужа нажом. Сведкам драмы было дзіцё.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары