Працяг гісторыі пра няветлівую кандуктарку: «Мінсктранс» папрасіў прабачэння ў Андрэя Крэчкі
Гісторыя мінчука Андруся Крэчкі, які 1 красавіка трапіў у непрыемную сітуацыю ў тралейбусе маршрута № 1, атрымала працяг.
Па яго словах, кандуктарка груба адрэагавала на яго зварот па-беларуску. Хлопец напісаў скаргу ў «Мінсктранс» і зараз атрымаў адказ за подпісам гендырэктара прадпрыемства Лявонція Папянка.
У адказе гаворыцца, што пацвердзіць або абвергнуць інфармацыю, выкладзеную ў звароце, не ўяўляецца магчымым, бо кандуктарка ў сваёй тлумачанай запісцы сцвярджае, што не дапускала грубасці ў дачыненні да пасажыра. А на пастаўленае па-беларуску пытанне адказала па-руску, што не забаронена законам.
«Тым не менш, улічваючы паступіўшы зварот, з кандуктарам праведзены дадатковы інструктаж па абавязковым выкананні інструкцыі кандуктара, узаемна ветлівым і культурным абслугоўванні пасажыраў падчас працы на лініі. Прыносім прабачэнні за дастаўленыя нязручнасці», — гаворыцца ў лісце.
Цяпер чытаюць
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком1
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары