З наступных выхадных цягнік Мінск—Вільня будзе хадзіць тры-чатыры разы на дзень + расклад
Колькасць цягнікоў на маршруце Мінск—Вільня вырасце з 26 мая. Гэта адбылося дзякуючы таму, што Літоўская чыгунка набыла тры сучасныя польскія дызелі.
Зручна і тое, што у дарозе скароціцца да 2,5 гадзіны. Літоўскія памежнікі будуць правяраць пасажыраў на вакзале, а беларускія — падчас руху, паміж Гудагаем і Маладзечнам.
Расклад руху цягнікоў пакуль часовы, будзе дзейнічаць да 27 чэрвеня. Пасля ў ім магчымыя змены.
З Мінска цягнікі будуць адпраўляцца а 07.40, 10.18, 18.50 у будні і а 07.40, 08.45, 10.18, 18.50 у выходныя. З Вільні — а 06.55, 14.58 і 18.14 у будні і а 06.55, 14.58, 18.14, 20.54 у выходныя.
Каб прыцягнуць пасажыраў, у Вільні на вакзале ўводзяць бясплатны вай-фай і адкрываюць д'юці-фры.
Каментары