У Гродне мастачка Юлія Коўш стварыла партрэт караля поп-музыкі Майкла Джэксана з утылізаваных аўташынаў, піша газета «Вечерний Гродно».
Матэрыял для карціны быў спецыяльна падрыхтаваны супрацоўнікамі гродзенскай кампаніі «Экалагічная Альтэрнатыва». Гэтая праца — першая ластаўка ў новым напрамку мастацтва — recycling art, дзе ўсе творы робяцца з прамысловых адкідаў.
«Планета засмечаная, назапашваецца вялікая колькасць адкідаў, — кажа Юлія Коўш. — І мне прыйшла ідэя выкарыстоўваць адкі як матэрыял для стварэння карцін. Так пры дапамозе кампаніі «Экалагічная Альтэрнатыва» з'явілася першая праца — Майкл Джэксан з перапрацаваных аўташынаў. Джэксан быў чулым чалавекам з добрым сэрцам. Ён заўсёды клапаціўся аб экалогіі планеты, траціў на гэта мільёны даляраў. Таму, дадзеная праца прысвечана яму».
«Мы заклікаем усіх мастакоў выкарыстоўваць адкіды ў творчасці — кажа дырэктар «Экалагічнай Альтэрнатывы» Руслан Сямчук. — Гэта мастацтва ХХІ стагоддзя, якое злучае творчасць і экалогію».
Карціна будзе прададзеная на аўкцыёне. Атрыманыя сродкі пойдуць на дабрачыннасць.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары