ДАІ пачынае масавую кругласутачную акцыю эвакуацыі аўто ў цэнтры Мінска
У цэнтры Мінска з сённяшняга дня будзе кругласутачна праводзіцца масавая эвакуацыя аўтамабіляў, якія прыпаркаваны з парушэннямі. Пра гэта паведаміла кіраўнік прэс-службы ДАІ Мінска Таццяна Харлінская.
У асноўным гэта тычыцца вуліц Валадарскага, Інтэрнацыянальнай, Камсамольскай, Няміга і Караля.
Таксама Таццяна Харлінская адзначыла, што многія кіроўцы ўсё яшчэ працягваюць паркаваць машыны на праезнай частцы вуліцы Ціміразева на ўчастку ад вуліцы Арлоўскай да вуліцы Сапёраў, нягледзячы на адкрыццё адпаведнай развязкі. Гэтыя аўтамабілі займаюць дзве паласы і замінаюць руху іншага транспарту, у тым ліку грамадскага.
Прадстаўнік ДАІ нагадала, што ў гэтым раёне ўстаноўлены знакі, якія забараняюць паркоўку, Дзяржаўтаінспекцыя сталіцы таксама надасць ўвагу гэтаму участку.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку44
Каментары