Валавы ўнутраны прадукт (ВУП) Беларусі ў першым паўгоддзі 2013 года ўзрос на 1,4% і склаў 284,9 трлн. рублёў, паведамілі ў Нацыянальным статыстычным камітэце. Пры гэтым гадавы прагноз складае 8,5%.
Вытворчасць прамысловай прадукцыі ў першым паўгоддзі 2013 года знізілася на 4,2% да 302,8 трлн. рублёў. Запасы гатовай прадукцыі склалі 31,3 млрд. рублёў, або 78,1% да сярэднямесячнага аб’ёму прамысловай вытворчасці (леташні паказчык — 50,7%). Удзельная вага інавацыйнай прадукцыі ў агульным аб’ёме адгружанай прадукцыі склала 17,7%.
Выпуск сельгаспрадукцыі гаспадаркамі ўсіх катэгорый узрос на 1,5% да 32,8 трлн. рублёў, сельгасарганізацыямі — на 2,2% да 29,7 трлн. рублёў.
Інвестыцыі ў асноўны капітал узраслі на 8,8% да 85,3 трлн. рублёў. Уведзена ў эксплуатацыю 2 млн. 618,9 тыс. кв. метраў жылля (на 6,2% больш за леташні паказчык).
Аб’ём перавозкі грузаў транспартам (уключаючы трубаправодны) зменшыўся на 6,9% да 213,1 млн. тон, рознічны тавараабарот узрос на 18,8% і склаў 122,1 трлн. рублёў.
Спажывецкія цэны ў чэрвені ў дачыненні да мая ўзраслі на 0,3%, з пачатку года — на 7%, цэны вытворцаў прамысловай прадукцыі павялічыліся на 0,2% і 4,3% адпаведна.
-
«Санта Брэмар» хоча адсудзіць правы на брэнд у вядомага расійскага вытворцы, якога прызналі экстрэмісцкім за падтрымку УСУ
-
Амерыканскаму ўласніку парку «Сула», выхадцу з Беларусі, прадалі будынкі былога яўрэйскага гета ў Навагрудку
-
Губернатар Прыморскага краю РФ расказаў, што там з будаўніцтвам беларускага порта
Каб не плаціць падатак на сабак, мінчукі пачалі здаваць іх у пункты адлову25
Каментары