Свет

Трамп заявіў, што Ізраіль і «Хезбала» пагадзіліся спыніць баявыя дзеянні, а перагаворы з Іранам працягваюцца

Прэзідэнт ЗША Дональд Трамп заявіў, што правёў перагаворы з прэм’ер-міністрам Ізраіля Біньямінам Нетаньяху, а таксама прадстаўнікамі «Хезбалы», і пераканаў бакі ў неабходнасці дээскалацыі. Паводле яго слоў, ізраільскі прэм’ер пагадзіўся не накіроўваць войскі ў паўднёвую частку Бейрута, а ліванская групоўка паабяцала спыніць напады, піша ВВС.

Дональд Трамп. Фота: Alex Brandon-Pool / Getty Images

«У мяне адбылася вельмі прадукцыйная размова з прэм’ер-міністрам Ізраіля Бібі Нетаньяху: войскі ў Бейрут не пойдуць, а тыя, што ўжо былі ў дарозе, развернуты. Акрамя таго, праз высокапастаўленых прадстаўнікоў я правёў вельмі канструктыўную размову з «Хезбалой», і яны пагадзіліся, што ўсе баявыя дзеянні будуць спынены — Ізраіль не будзе нападаць на іх, а яны не будуць нападаць на Ізраіль», — напісаў ён у сваёй сацсетцы Truth Social.

У іншым пасце ён заявіў, што перагаворы з Іранам працягваюцца ў інтэнсіўным рэжыме.

Раней у панядзелак іранскае інфармацыйнае агенцтва Tasnim паведаміла, што перагаворная група Тэгерана спыняе ўсе кантакты з ЗША праз пасярэднікаў з-за атак на Ліван.

«Улічваючы працяглыя напады ізраільскага рэжыму ў Ліване, а таксама тое, што Ліван быў адной з папярэдніх умоў спынення агню — якое цяпер парушана па ўсіх кірунках, уключаючы Ліван, — іранская перагаворная дэлегацыя прыпыняе перагаворы і абмен паведамленнямі праз пасярэднікаў», — гаворыцца ў паведамленні.

Каментуючы гэтыя паведамленні, Трамп заявіў, што Іран не праінфармаваў Вашынгтон пра сваё рашэнне.

«Гэта цалкам дарэчная заява, бо яны лепш вядуць перагаворы, чым ваююць, — сказаў ён у кароткім каментарыі. — Але яны нас пра гэта не праінфармавалі».

«Калі шчыра, я лічу, што мы занадта шмат гаварылі. Думаю, было б вельмі добра проста памаўчаць», — дадаў амерыканскі лідар.

Каментары

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе22

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

Трамп: Пуцін сказаў мне, што не пайшоў бы вайной на Украіну, калі б я тады быў прэзідэнтам18

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

«Табе яшчэ прыйдзецца выбачыцца». Ціханоўскі адказаў Севярынцу125

Міністр абароны Германіі заклікаў еўрапейцаў ехаць да Пуціна ў Маскву9

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе22

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць