Хвіча Кварацхелія адмовіўся адказваць па-руску пасля фіналу Лігі чэмпіёнаў
Хвіча быў прызнаны найлепшым гульцом Лігі чэмпіёнаў па выніках сезона 2025/2026.
Грузінскі форвард «ПСЖ» Хвіча Кварацхелія пасля фіналу Лігі чэмпіёнаў УЕФА 2025/26, у якім французскі клуб у серыі пенальці перамог лонданскі «Арсенал», не стаў размаўляць па-руску з журналістам у змяшанай зоне, піша Championat.com.
У сеціве з’явілася відэа, на якім падчас прэс-падыходу да Кварацхеліі да яго звярнуліся па-руску, але той адмовіўся працягваць размову.
— Хвіча, можна па-руску: якія ў цябе эмоцыі былі? Усё ж такі…
— No, I can't speak, sorry («Не, я не магу гаварыць, прабачце»), — адказаў Кварацхелія па-англійску і працягнуў адказваць на пытанні грузінскіх журналістаў на сваёй роднай мове.
Хвіча Кварацхелія быў прызнаны найлепшым гульцом Лігі чэмпіёнаў па выніках сезона 2025/2026. У мінулым розыгрышы турніру ён правёў за клуб 16 матчаў, у якіх забіў 10 галоў і аддаў шэсць выніковых перадач. Гэта другі трафей Лігі чэмпіёнаў запар у кар’еры грузінскага футбаліста.
Раней футбаліст выступаў за маскоўскі «Лакаматыў» і казанскі «Рубін» з 2019 па 2022 год, але пасля ўварвання ва Украіну пакінуў Расію і вярнуўся ў Грузію, гуляў палову года за батумскі «Дынама».
Улетку 2022 года перайшоў у італьянскі «Напалі», з якім выйграў чэмпіянат Італіі і ў сезоне 2022/2023 быў прызнаны найлепшым гульцом Серыі А, у студзені 2024 года перайшоў у ПСЖ, з якім выйграў два чэмпіянаты Францыі і дзве Лігі чэмпіёнаў.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары