Чым хлопец, граючы на скрыпцы, парушыў закон?
Гэта здарылася ў падземным пераходзе на станцыі Партызанская ўвечары а сёмай гадзіне. У нас там даволі часта граюць музыкі, але толькі на гітары альбо акардэоне. Але у гэты раз нейкі хлапец граў на скрыпцы. Я ішоў там па сваіх справах, і быў вельмі ўражаны і ўзрадаваны, што можна пачуць чароўныя гукі скрыпкі ў такім месцы. Гукі гэтыя падмешвалі нейкія яскравыя фарбы ў шэры падземны пераход, дзе ішлі з працы сотні аднолькава шэрых людзей. У мяне нават настрой падняўся. Я падышоў да яго і паклаў ў футарал грошы, і заўважыў, што грошай там было шмат. Калі я пайшоў далей, насустрач ішлі два міліцыянты - звычайны патруль. Я ужо амаль выйшаў зь пераходу, і раптам пачуў, што музыка спынілася. Ня ведаю чаму, але ўпэўнены, што менавіта міліцыянты спынілі яго.
Вось што незразумела – чым ён ім перашкодзіў? Наверсе дзясяткі п’яніцаў п'юць піва ды гарэлку, парушаючы закон, але іх ніхто не кранае. Чым хлопец, граючы на скрыпцы, парушыў закон?
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў15
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары