Усяго 447 пазоваў апазіцыянера Аляксея Навальнага па выніках выбараў мэра Масквы паступіла ў раённыя суды сталіцы, паведамляе
прэс-служба Масгарсуда.
Матэрыялы знаходзяцца ў 16 раённых судах. Па кожным пазове ў суда ёсць пяць дзён для рашэння аб прыняцці яго да разгляду або аб адмове.
Напярэдадні Навальны напісаў у сваім ЖЖ, што яго штаб падрыхтаваў 951 заяву ў раённыя суды аб адмене вынікаў выбараў па ўчастковым выбарчым камісіям.
Апазіцыянер таксама паведаміў, што заявы і прыкладзеныя дакументы складаюць прыкладна 50 тыс. старонак, і іх прыйдзецца везці ў суд на грузавіку.
Апазіцыя сцвярджае, што перамога Сяргея Сабяніна на выбарах мэра Масквы ўжо ў першым туры стала магчымая дзякуючы парушэнням і махінацыям.
Каментары