Беларускія клубы ўжо зарабілі ў сёлетніх еўракубках больш за тры мільёны еўра
Беларускія футбольныя клубы ўжо зарабілі больш за 3 мільёны еўра на траіх паводле вынікаў першых двух кваліфікацыйных раўндаў еўракубкаў, паведамляе БелТА.
Найбольшы прызавы фонд пакуль атрымаў чэмпіён краіны «МЛ Віцебск», які выйшаў у трэці раўнд кваліфікацыі Лігі канферэнцый. Ад УЕФА клуб атрымае 1,335 мільёна еўра.
Мінскае «Дынама», якое таксама паспяхова пераадолела два кваліфікацыйныя этапы Лігі канферэнцый, ужо гарантавала сабе 1,075 мільёна еўра.
Барысаўскі БАТЭ завяршыў выступленне ў еўракубках, але таксама атрымае 700 тысяч еўра.
Па выніках двух раўндаў беларускія клубы прынеслі краіне 1,833 рэйтынгавага бала. У табліцы каэфіцыентаў УЕФА Беларусь цяпер займае 44‑е месца з агульным паказчыкам 8,208 бала. Калі пасля заканчэння цяперашняга еўракубкавага сезона краіна захавае месца ў першай пяцідзясятцы рэйтынгу, то ў двух наступных сезонах Беларусь будзе прадстаўленая ў еўракубках чатырма клубамі.
У трэцім кваліфікацыйным раўндзе Лігі канферэнцый «МЛ Віцебск» 6 жніўня сустрэнецца ў Баня-Луцы з баснійскім «Борацам». Мінскае «Дынама» ў гэты ж дзень на выездзе згуляе супраць партугальскай «Брагі».
Матчы ў адказ адбудуцца 13 жніўня. Намінальна хатнюю сустрэчу «МЛ Віцебск» правядзе ў венгерскім Мезёкёвешдзе, а мінскае «Дынама» прыме саперніка ў балгарскай Старой Загоры.
Цяпер чытаюць
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць23
Каментары