На наступным тыдні спачатку будзе вельмі горача, а пасля пахаладае
Сіноптык Дзмітрый Рабаў у эфіры тэлеканала АНТ паведаміў, што з 3 да 9 жніўня ў Беларусі спачатку ўсталюецца вельмі гарачае надвор'е, а затым адбудзецца прыкметнае пахаладанне.
У панядзелак чакаецца сонечнае і сухое надвор'е пад уплывам антыцыклону. Раніцай месцамі магчымы туман. Уначы тэмпература складзе ад +12 да +19 градусаў, а ўдзень — ад +25 на поўначы да +31 градуса ў Брэсцкай і Гомельскай абласцях.
У аўторак на поўдні краіны магчымыя кароткачасовыя дажджы і навальніцы. Ноччу будзе ад +13 да +20 градусаў, а ўдзень паветра прагрэецца ад +27 на Віцебшчыне да +37 градусаў у Брэсцкай вобласці.
У сераду чакаецца пік спякоты. Паводле прагнозу, ападкаў не прадбачыцца, а тэмпература ўдзень складзе ад +32 да +38 градусаў. Уначы будзе ад +15 да +25 градусаў.
У чацвер праз тэрыторыю Беларусі пачне праходзіць атмасферны фронт, які прынясе кароткачасовыя дажджы і больш прахалоднае паветра. Ноччу чакаецца ад +10 да +17 градусаў, а ўдзень — ад +23 на поўначы краіны да +30 градусаў у Гомельскай вобласці.
У пятніцу істотных ападкаў не прагназуецца. Месцамі магчымы туман. Тэмпература паветра ўначы складзе ад +13 да +18 градусаў, удзень — ад +22 на поўначы да +26 градусаў у Брэсцкай вобласці.
У выходныя надвор'е будзе вызначацца заходнімі атмасфернымі франтамі. У суботу ўдзень месцамі пройдуць кароткачасовыя дажджы і навальніцы. Тэмпература ноччу складзе ад +10 да +15 градусаў, удзень — ад +17 на Віцебшчыне да +25 на поўдні Брэсцкай і Гомельскай абласцей.
У нядзелю ў большасці раёнаў таксама чакаюцца дажджы. Уначы будзе каля +12 градусаў, а ўдзень — ад +19 да +25, на паўднёвым усходзе Гомельскай вобласці паветра можа прагрэцца да +27 градусаў.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі34
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары