Ацяпленне ў мінскіх кватэрах пачнуць уключаць толькі заўтра, хоць па надвор'і павінны былі ў суботу
Улічваючы неспрыяльны прагноз надвор'я, у Мінгарвыканкаме вырашана дазволіць з 2 кастрычніка ўключэнне ацяплення ў жылых дамах, паведамілі ў прэс-службе Мінгарвыканкама.
Акрамя таго, з 2 кастрычніка ацяпленне будуць ўключаць у інтэрнатах, гасцініцах, басейнах, агульнагарадскіх лазнях, будынках навучальных устаноў Мінска.
«Уключэнне ацяплення будзе рабіцца па ўзгадненні з цеплазабеспячальнымі арганізацыямі пры наяўнасці пашпартоў гатоўнасці да работы ў асенне-зімовы перыяд. На час уключэння ацяплення будзе арганізавана дзяжурства персаналу», — адзначылі ў прэс-службе.
Пры тэмпературах вонкавага паветра вышэй за 10 градусаў, ацяпленне памяшканняў будзе рабіцца ў рэжыме працеплівання.
Варта адзначыць, што паводле нормаў ацяпленне ўключаюць пасля пяці дзён, калі сярэднесутачная тэмпература апускаецца ніжэй за 8 градусаў. У Мінску такі пяты дзень прыпаў на мінулую суботу. Аднак уключэнне ацяплення моцна зацягнулася.
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне10
Каментары