Прэзідэнт ЗША важыць 108 кілаграмаў. За год Трамп набраў шэсць з паловай кілаграм.
Прэзідэнт ЗША Дональд Трамп знаходзіцца ў «выдатным стане здароўя», аднак важыць трохі больш за норму, заявіў яго асабісты доктар Шон Барбабэла пасля чарговага медыцынскага абследавання, піша Bild.
Паводле слоў медыка, абследаваны палітык «поўнасцю здольны выконваць усе абавязкі вярхоўнага галоўнакамандуючага і кіраўніка дзяржавы». Тым не менш, доктар у мэтах прафілактыкі рэкамендаваў Трампу «павялічыць фізічную актыўнасць, а таксама знізіць вагу».
Верагодна, прычына ў добра вядомых гастранамічных перавагах Трампа — гамбургеры і дыетычная кола.
Падчас кансультацыі прэзідэнт атрымаў «рэкамендацыі па харчаванні і параду прымаць аспірын у нізкіх дозах», паведаміў Барбабэла.
Згодна з апублікаваным дакладам, зараз вага прэзідэнта складае 108 кілаграмаў. Троху больш за год таму яго вага была 101,6 кілаграма.
Адразу пасля абследавання ў аўторак Трамп заявіў, што ўсё прайшло «ідэальна».
Ён — самы стары прэзідэнт, які калі-небудзь уступаў на гэтую пасаду ў ЗША. 14 чэрвеня Трампу споўніцца 80 гадоў, і ў СМІ рэгулярна ўзнікаюць спекуляцыі аб стане яго здароўя.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца6
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары