Вальфовіч назваў выбух дрона каля аўтобуса выпадковым, але позна. Прапаганда паспела знайсці вінаватых і абліць увесь свет дзярмом
Лукашэнкаўская прапаганда ўслед за расійскай распаўсюдзіла паведамленні пра нібыта «наўмысны ўдар УСУ па аўтобусе» яшчэ да таго, як з'явіліся хоць якія кампетэнтныя ацэнкі.
«Баевікі УСУ атакавалі аўтобус на мытным пераходзе «Красны Камень» у Бранскай вобласці. Пра гэта паведамляе крыніца «Известий», — такую інфармацыю далі сотні афіцыйных каналаў беларускіх уладаў.
«Іх дзеянні накіраваныя выключна на тое, каб вывесці беларусаў са стану раўнавагі, пасеяць варожасць і хаос. (…) Але мы бачым гэтыя гульні і не дамо ўцягнуць сябе ў гэтае балота, але і дараваць не станем!».
Тыя самыя тэзісы сінхронна агучыў прапагандыст Рыгор Азаронак.
«Яны спрабуюць справакаваць у беларускага народа паніку, істэрыку, пачуццё неабароненасці. (…) Кіеўскаму рэжыму дазволілі любыя злачынствы, любыя правакацыі. Задача-максімум — уцягнуць Беларусь у вайну. Задача-мінімум — пасеяць тут хаос, страх і трывогу», — заявіў адзін з галоўных прапагандыстаў рэжыму.
Свой каментар Азаронак апублікаваў у тэлеграм-канале пад подпісам: «Чарговая крывавая правакацыя бандэраўцаў супраць Беларусі».
Пра здарэнне як пра «атаку беспілотніка» паведаміў і тэлеграм-канал NEWS.BY, паўтарыўшы пры гэтым заявы Следчага камітэта Расіі і пасла Расіі ў Беларусі Барыса Грызлова.
Пра атаку «дронам УСУ» паведаміла і рупар «СБ. Беларусь сегодня» Людміла Гладкая.
Свае пяць капеек уставіў і Алег Гайдукевіч, які апублікаваў відэакаментар з подпісам: «Бранская вобласць! Зноў акт тэрарызму».
І толькі праз некалькі гадзін гэтага асатанелага інфатэрарызму з'явілася афіцыйная заява дзяржаўнага сакратара Рады бяспекі Беларусі Аляксандра Вальфовіча.
«Беларускі аўтобус не быў выбраны спецыяльна як, скажам так, цэль для паражэння. Гэта аўтобус, які выпадкова рухаўся па тэрыторыі Бранскай вобласці, і дрон, які выпадкова ўпаў на дарогу паміж дзвюма трасамі», — сказаў Вальфовіч журналістам.
Ні ў адным з праўладных тэлеграм-каналаў, якія перад гэтым распаўсюдзілі хлуслівую інфармацыю пра нібыта наўмысную атаку на беларускі аўтобус, не далі ні абвяржэння, ні прабачэння.
Каментары
И тем удивителен факт наблюдения над приматами. Лукашизм настолько породная гнилая и поганая система,что попавшие туда перерождаются. Становятся,как русские. Которые украинцев и беларусов не ненавидят этнически,на молекулярном,клеточном уровне.
А тут эти колхозные существа настолько охолуилились,что стали хуже русских. Что бывает очень редко.
И я знаю, как поступила бы Тихановская на месте Лукашенки, но цензура на этом сайте не пропустит