Life:) пракаментаваў сітуацыю са знікненнем сродкаў з рахункаў некаторых абанентаў
Мабільны аператар life:) пракаментаваў сітуацыю са знікненнем сродкаў з рахункаў некаторых абанентаў кампаніі.
«Мабільны аператар life:) інфармуе, што на працягу ўжо некалькіх тыдняў, з канца лістапада, праходзіць укараненне новай сістэмы білінгу, і, адпаведна, паступовы перавод на яе абанентаў», — паведамілі ў кампаніі «Беларуская сетка тэлекамунікацый» (life:)).
Новая сістэма білінгу дазволіць, як мінімум: больш дакладны і просты ўлік расходаў на паслугі сувязі, у тым ліку, напрыклад, інфармаванне абанентаў пра набліжэнне балансу іх рахункаў да крытычных значэнняў; увод шэрагу новых высокатэхналагічных і зручных паслуг, праца якіх на старой сістэме білінгу была проста немагчымая; у найбліжэйшай перспектыве — прыкметнае спрашчэнне і пашырэнне спосабаў аплаты за паслугі сувязі life:).
Як падкрэслілі ў кампаніі, пераход на новы білінг — «працяглая і працаёмкая справа, падчас якой не выключаны тэхнічныя непаладкі».
Працэс міграцыі можна параўнаць з перазагрузкай камп'ютарнай сістэмы, калі інфармацыя павінна быць сабрана нанова — уласна кажучы, пераход на новы білінг і азначае прымяненне новых аперацыйных і праграмных рашэнняў.
У сувязі з тым, што падчас міграцыі на новую сістэму ў некаторых абанентаў life:) узніклі цяжкасці з доступам да іх абаненцкіх рахункаў, аператар запэўнівае, што ўсе «страчаныя» хвіліны і мегабайты, гэтак жа, як і грашовыя сродкі з рахункаў, нікуды не зніклі і ўжо тым больш не былі незаконна спісаныя.
З-за тэхнічнага збою сістэме спатрэбіцца больш часу, каб выявіць і выдаць поўную інфармацыю, прычым толькі па некаторых абаненцкіх рахунках, падкрэслілі ў кампаніі.
Спецыялісты life:) разлічваюць выправіць сітуацыю ў самыя кароткія тэрміны. Аператар спадзяецца на разуменне абанентаў, а таксама афіцыйна просіць выбачэння ва ўсіх, хто адчуў нязручнасці.
Цяпер чытаюць
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары