Раней абавязковая рэгістрацыя тычылася толькі выдаўцоў і вытворцаў.
Згодна з законам «Аб выдавецкай справе ў Рэспублiцы Беларусь», да іх далучылі распаўсюднікаў. Прычым менавіта кніжнай прадукцыі, а не толькі газет і часопісаў. Распаўсюднікі павінны быць уключаны ў Дзяржаўны рэестр і атрымаць пасведчанне аб рэгістрацыі. Толькі пры такой умове яны маглі працягваць сваю дзейнасць.
Заўважым, што большасць рускамоўных кніг, якія маюць вялікія наклады, свабодна прадаюцца ў кнігарнях і шапіках. А вось беларускамоўныя выданні, якія выходзілі ў прыватных выдавецтвах, знайсці там складана.
Згодна з законам, распаўсюднікі, якія займаліся сваёй працай да прыняцця дакумента, маглі працаваць без рэгістрацыі яшчэ шэсць месяцаў. З ліпеня прайшло амаль паўгода. Атрымліваецца, менавіта са студзеня 2014 годзе яны будуць кіравацца ў сваёй дзейнасці ўжо іншымі правіламі.
Юрыст Сяргей Зікрацкі лічыць рэгістрацыю выдаўцоў і вытворцаў лагічным крокам, а вось распаўсюднікаў — незразумелым. Магчыма, гэта спроба Міністэрства інфармацыі ўвесці кантроль над гэтай сферай, якая раней толькі ліцэнзавалася.
У сталічнай «Акадэмкнізе» «НН» пацвердзілі, што падрыхтавалі неабходны пакет дакументаў і ўжо атрымалі пасведчанне аб рэгістрацыі. Рыхтуе адпаведныя паперы і кнігарня «Ў». Гэтак дзяржава зможа кантраляваць усю сферу распаўсюду.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары