Еўрасаюз накіроўвае ў Кіеў камісара ЕС па пытаннях пашырэння і Еўрапейскай палітыкі суседства Штэфана Фюле і Вярхоўнага прадстаўніка ЕС па пытаннях знешняй палітыкі і палітыкі бяспекі Кэтрын Эштан для садзейнічання дыялогу ўкраінскай улады і апазіцыі.
Пра гэта паведаміў прадстаўнік Еўракамісіі Аліўе Баі, інфармуючы журналістаў аб тэлефоннай размове прэзідэнта Віктара Януковіча і прэзідэнта Еўракамісіі Жазэ Мануэля Барозу.
«Прэзідэнт Барозу сказаў Януковічу, што мы гатовыя спрыяць дыялогу і зніжэнню напружанасці сітуацыі. Прэзідэнт Барозу прапанаваў, каб камісар ЕС Фюле наведаў Кіеў 24 студзеня, а Вярхоўны прадстаўнік ЕС і віцэ-прэзідэнт Еўракамісіі Эштан, магчыма, паедзе ў Кіеў на наступным тыдні», — адзначыў спікер ЕК.
Такім чынам Штэфан Фюле наведае Кіеў 24-25 студзеня для правядзення сустрэч з прадстаўнікамі ўлады, апазіцыі і грамадзянскай супольнасці.
Як вядома, 23 студзень лідары апазіцыі Віталь Клічко, Арсень Яцанюк і Алег Цягнібок правялі сустрэчу з прэзідэнтам Януковічам, якая доўжылася каля 4-х гадзін. 24 студзеня перамовы павінны працягнуцца.
Разам з тым адбыліся тэлефонныя размовы Віктара Януковіча з еўрапейскімі і амерыканскімі высокапастаўленымі асобамі: Януковічу патэлефанавалі канцлер Нямеччыны Ангела Меркель, прэзідэнт Еўракамісіі Жазэ Мануэль Барозу і віцэ -прэзідэнт ЗША Джозэф Байдэн
Падчас Януковіч паабяцаў Барозу не ўводзіць у Украіне надзвычайнае становішча.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары