Расійскія спецслужбы апублікавалі запіс тэлефоннай размовы амерыканскіх дыпламатаў, у якой тыя разважаюць, што рабіць ва Украіне
У інтэрнэце з'явіўся запіс тэлефоннай размовы памочніцы дзяржсакратара ЗША Вікторыі Нуланд і пасла ЗША ва Украіне Джэфры Паета. У часе размовы жанчына характарызуе непаваротлівасць і пасіўнасць Еўрасаюза ў пытанні Украіны нецэнзурным словам.
Акрамя таго, суразмоўцы абмяркоўваюць, як Амерыка павінна будаваць адносіны з трыма лідарамі ўкраінскай апазіцыі. Нуланд высока ацэньвае кіраўнічы патэнцыял Яцанюка і выказвае меркаванне, што Клічко будзе не схільны працаваць у камандзе Яцанюка.
Таксама амерыканскія дыпламаты разважаюць аб шляхах выхаду з палітычнага крызісу ва Украіне. Яны гавораць аб неабходнасці прыцягнуць кіраўнікоў ЗША і ААН да разрульвання сітуацыі. Акрамя таго, яны негатыўна адгукаюцца пра нерашучасць Еўрасаюза адносна Украіны. Вікторыя Нуланд дазволіла сабе моцнае слова наконт гэтага.
Запіс быў выкладзены на сэрвісе YouTube і забяспечаны цітрамі з расейскім перакладам. Акрамя размовы Нуланд і Паета па-ангельску, у тым жа запісе змешчана размова пасланніка Еўрасаюза ва Украіне Яна Тамбінскага і высокапастаўленай супрацоўніцы дыпламатычнай службы Брусэля Хельгі Шмід.
Выглядае, што размова адбылася ў апошнія дні студзеня, калі Віктар Януковіч прапанаваў Яцанюку стаць прэм'ерам, а аўтамайданавец Булатаў яшчэ заставаўся ў руках выкрадальнікаў.
Памочніца дзяржсакратара ЗША прызнала сапраўднасць размовы і выбачылася перад кіраўніцтвам Еўрасаюза. Як паведамляе агенцтва Франс прэс, прадстаўніца дзярждэпартамента Джэн Псакі выказала меркаванне: з'яўленне запісу — справа рук расейскай выведкі.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары