Яцанюк: Украіна даведзена да банкруцтва, такой эканамічнай катастрофы краіна не ведала
Лідар фракцыі «Бацькаўшчына» Арсеній Яцанюк заяўляе, што дзяржаўная казна Украіны параскрадзеная, а краіна блізкая да банкруцтва.
«Дзяржаўная казна параскрадзеная, краіна даведзена да банкруцтва», — заявіў ён на пасяджэнні пагаджальнай рады ў панядзелак.
Паводле словаў Яцанюка, напярэдадні ён сустракаўся «з пазасталымі ў Міністэрстве фінансаў» і атрымаў інфармацыю ад Нацыянальнага банка Украіны, Дзяржаўнага казначэйства, што дазваляе рабіць такія высновы.
«Я не хацеў бы зараз раскрываць лічбы неймавернага бюджэтнага дэфіцыту не да канца года, а да канца месяца, затрымкі па заробках цягам 10 дзён. Плаціць даўгавыя абавязацельствы няма чым», — сказаў Яцанюк.
Лідар «Бацькаўшчыны» мяркуе, што цяпер трэба сфармаваць Кабмін, які змог бы правесці «вельмі непапулярныя, але адзіна правільныя» рашэнні для паляпшэння сітуацыі.
«Нам трэба на працягу бліжэйшых сутак сфармаваць урад, узгадніць яго з людзьмі на Майдане, і ісці працаваць», — падкрэсліў ён. Яцанюк падкрэсліў, што сітуацыя ва Украіне вельмі цяжкая.
«Такой эканамічнай і палітычнай катастрофы Украіна не ведала за ўсю гісторыю сваёй незалежнасці», — адзначыў ён.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары