Вайна — канфлікт паміж палітычнымі ўтварэннямі (дзяржавамі, плямёнамі і г.д.), які адбываецца ў форме узброенага процістаяння, баявых дзеянняў.
Грамадзянская вайна — вайна паміж рознымі сіламі ў адной дзяржаве.
Інтэрвенцыя — гэта ваеннае, палітычнае ці іншае ўмяшанне адной або некалькіх дзяржаў ва ўнутраныя справы іншай дзяржавы, што парушае яе суверэнітэт.
Анэксія — далучэнне дзяржавай усёй або часткі тэрыторыі іншай дзяржавы ў аднабаковым парадку. Па міжнародным праве анэксія — адзін з відаў агрэсіі і ў цяперашні час цягне міжнародна-прававую адказнасць.
Акупацыя — заняцце ўзброенымі сіламі адной дзяржавы тэрыторыі другой дзяржавы, якое не суправаджаецца набыццём суверэнітэту над ёй, звычайна часовае.
Анклаў — частка тэрыторыі дзяржавы, цалкам аточаная тэрыторыяй іншых дзяржаў. Паняцце тэрыторыі ўключае ў сябе як сухапутную тэрыторыю, так і тэрытарыяльныя воды.
