Ісус Хрыстос з Жытоміра аказаўся праўнукам начальніка віцебскага НКВД
Пра гэта ўдалося даведацца дзякуючы даносу ў КДБ.
У сакавіку 2017 года Камітэт дзяржбяспекі РБ атрымаў паведамленне ад Уладзіміра Радзюка з Жытоміра.
У ім мужчына напісаў пра тое, што з Украіны ў Беларусь таемна перакідваюцца «члены фашысцкай тэрарыстычнай арганізацыі «Трызуб — УНА — УНСО» для вядзення падрыўной дзейнасці супраць улады Беларусі і падрыву аўтарытэта прэзідэнта». Радзюка ў звароце хвалявала, што ў Беларусі зробяць так, «як на Украіне», а само паведамленне ён назваў сваім доўгам перад другой радзімай, бо ягоны дзед Аляксандр Радзюк кіраваў міліцыяй Віцебскай вобласці.
Уладзімір Радзюк — вядомы персанаж ва Украіне. Ён называе сябе святаром і заснаваў уласную «Адзіную царкву Хрыста».
У 2002 годзе ён назваў свайго сына Ісусам Хрыстом. Гэта выклікала скандал, бо хлопчыка з незвычайным іменем не хацелі рэгістраваць. Справу давялося вырашаць на ўзроўні вышэйшага кіраўніцтва цэркваў і тагачаснага прэзідэнта Украіны Леаніда Кучмы.
У выніку Ісуса Хрыста Уладзіміравіча Радзюка зарэгістравалі. Сёння яму 21 год.
Што тычыцца ягонага прадзеда Аляксандра Радзюка, то ён з 1940 па 1945 год быў кіраўніком віцебскай міліцыі, а падчас вайны камандаваў карным міліцэйскім палком.
Ён памёр у 1952 годзе ў Пінску, там і пахаваны.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары