Прэзідэнта Латвіі ледзь не збілі на пешаходным пераходзе. Ды яшчэ і насварыліся, што не глядзіць па баках
«Спадар прэзідэнт, перш чым перайсці вуліцу, неабходна паглядзець налева і направа!»
Учорашняя раніца ледзь не скончылася трагедыяй не толькі для Эдгара Рынкевіча, але і для ўсёй Латвіі. Прэзідэнта дзяржавы ледзь не збілі на пешаходным пераходзе, піша press.lv.
Пра інцыдэнт у сетцы Х паведаміў сам яго непасрэдны ўдзельнік — кіраўнік службы навінаў Латвійскага радыё Угіс Лібіеціс, абвінаваціўшы самога Рынкевіча ў няўважлівасці.
«На пешаходным пераходзе спецыяльна затармазіў, каб не наехаць на пальцы ног. Эдгар Рынкевіч і яго целаахоўнікі! Спадар прэзідэнт, перш чым перайсці вуліцу, неабходна паглядзець налева і направа! Тое ж самае для целаахоўнікаў…»
Аднак многія карыстальнікі інтэрнэту здзівіліся эмоцыям кіроўцы.
— Як гэта — спецыяльна тармазіць перад пешаходным пераходам?
— Калі б не прэзідэнт, не прытармазіў бы, так?
— Рухайцеся павольней і будзьце асцярожней на пешаходным пераходзе, і вам не прыйдзецца «спецыяльна» тармазіць, каб прапусціць яго ўдзельнікаў, якія «раптам» і «нечакана» з'явіліся на пераходзе. Дзеці таксама могуць не глядзець, але вы здзівіцеся і не зможаце тармазіць «спецыяльна».
— Я так і бачу загаловак «Кіраўнік службы навін Латвійскага радыё ледзь не збіў прэзідэнта».
Сам Рынкевіч пажартаваў: «Прэса спрабуе на мяне наехаць!»
«This f*cking AI». Перакладчык Лукашэнкі пры прэзідэнце ААЭ выкарыстаў недыпламатычнае слова9
Каментары