РФ не прапускае машыны з украінскай прадукцыяй на мытных пунктах. Учора, 19 сакавіка, у 22:00 паводле ўкраінскага часу (апоўначы па Маскве) Расія цалкам закрыла свае межы для ўкраінскай прадукцыі.
Па словах прадстаўнікоў украінскіх транспартных кампаній, машыны з украінскай прадукцыяй не прапускаюць на мытных пунктах РФ. Пры гэтым якіх-небудзь тлумачэнняў перавозчыкам не даюць.
«Машыны проста вяртаюць на тэрыторыю Украіны, нават не праводзяць ніякіх надглядаў, — кажуць экспарцёры. — Работнікі мытні свае дзеянні ніяк не аргументуюць, ніякіх дакументаў не даюць».
У выніку на нейтральнай тэрыторыі паміж Украінай і Расеяй утварыўся транспартны калапс: чарга з фураў ужо вылічаецца кіламетрамі.
Каментары