У Мінску кожны можа атрымаць «фатаграфію з флюараграфіяй»
21 сакавіка ў Мінску стартавала акцыя пад назвай «Фатаграфія з флюараграфіяй», прымеркаваная да Сусветнага дня барацьбы з сухотамі.
У гэты дзень пульмасканы «Саніта-стар» і «Гіпакрат-2», у якіх кожны ахвотны можа прайсці флюараграфію, прыбылі да бізнес-цэнтра «Порт» (пр-т Незалежнасці, 177) і па адрасе: вул. Ціміразева, 67.
Беларусь ўваходзіць у лік краін з высокім цяжарам мультырэзістэнтнага туберкулёзу (МЛУ-ТБ), устойлівага да шэрагу вядомых лекаў.
Адна траціна новых пацыентаў і дзве траціны тых, хто раней лячыўся, у Беларусі маюць МЛУ-ТБ — гэта найбольш высокі зарэгістраваны ўзровень у свеце.
Усведамляючы важнасць праблемы і неабходнасць клопату аб людзях, Праграма развіцця ААН пры падтрымцы Міністэрства аховы здароўя і некаторых беларускіх кампаній і вырашылі ўпершыню правесці сумесную акцыю «Фатаграфія з флюараграфіяй».
Акрамя праходжання абследавання на пульмаскане, кожны яе ўдзельнік атрымае сертыфікат, майку, возьме ўдзел у фотасесіі.
24 сакавіка пульмаскан «Саніта-стар» з 10.00 прыме ўсіх ахвотных па адрасе: вул. Сяліцкага, 10.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам26
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары