Расія ўдзячная Аляксандру Лукашэнку за яго пазіцыю па Крыме, заявіў пасол РФ у Беларусі Аляксандр Сурыкаў 27 сакавіка на прэс-канферэнцыі ў Мінску.
Паводле яго слоў, Лукашэнка «зафіксаваў факт» таго, што Крым стаў расійскім. «Мы яму за гэта ўдзячныя», — падкрэсліў пасол.
Паводле слоў Сурыкава, Расія не магла праігнараваць меркаванне грамадзян Крыма, пераважная большасць якіх прагаласавала за ўз'яднанне з Расіяй на рэферэндуме.
«Уся сусветная супольнасць павінна зразумець, што любы замах на тэрыторыю Крыма пасля прыняцця закона аб ўз'яднанні яго і Севастопаля з Расіяй — гэта замах на суверэнітэт Расійскай Федэрацыі», — заявіў пасол.
Нагадаем, 23 сакавіка, размаўляючы з журналістамі, Аляксандр Лукашэнка заявіў: «Крым не з'яўляецца незалежнай дзяржавай, як тая ж Асеція, Абхазія і гэтак далей. Крым сёння — частка тэрыторыі Расійскай Федэрацыі. Можна прызнаваць гэта ці не прызнаваць, але ад гэтага нічога не зменіцца».
Лукашэнка таксама заявіў, што ад Беларусі «ніхто не патрабуе прызнаць і падтрымаць расейцаў ці наадварот». «Я шчыра кажу: ад мяне і ад нашых праўладных структур, МЗС ніхто гэтага не патрабуе», — сказаў ён.
На абедзе Лукашэнкі і Сі Цзіньпіна прысутнічала і адзіная дачка кітайскага лідара11
Каментары