Дзяўчына зняла на відэа кампосцер у аўтобусе Брэста. У каментарах гарачая спрэчка — з-за мінчукоў
«Мне падабаецца як жыхары Мінска адмаўляюць існаванне астатніх гарадоў».
Дзяўчына Таццяна пераехала з Беларусі ў Польшчу. Нядаўна яна прыязджала ў Брэст. У гарадскім аўтобусе дзяўчына запісала ролік, як прабівае кампосцерам талончык.
«Вось такая ў Беларусі тэкналоджыя», — з гумарам падпісала яна.
«Раней успрымалася, як нешта нармальнае, цяпер пасля Польшчы здзіўляе, што ёсць такая сістэма», — напісала дзяўчына.
Відэа сабрала больш за два мільёны праглядаў і 5000 каментароў. Там нечакана разгарнулася спрэчка паміж мінчукамі і жыхарамі іншых гарадоў.
Мінчукі ў каментарах заўважаюць, што даўно не бачылі ўжо такіх кампосцераў: маўляў, толькі ў вёсках і малых гарадах засталіся. «Няма кампосцераў у Беларусі», — даказвалі ў каментарах.
«Усё нармальна, гэта ў вёсках, а не ў Мінску», — адказаў хтосьці.
Жыхары абласных цэнтраў абурыліся.
«У Віцебску, Брэсце, Магілёве таксама такое ёсць. Гэта маленькія гарады? Вёскі?»
«У Гомелі толькі такія і ёсць. А гэта, на хвілінку, самы буйны абласны цэнтр».
«Такая «фігня» ёсць у Наваполацку, горад гэты цяжка назваць вёскай».
«Я жыву ў гэтай вёсцы, якая Брэст называецца», — піша яшчэ адзін каментатар. Але жыхары Брэста дадаюць, што ў іх можна аплаціць праезд і з дапамогай мабільнага дадатку.
«Вы яшчэ кампосцеры ў Гродне не бачылі, у вас ужо хоць наступнае пакаленне. У нас яшчэ «да» сустракаецца. Жалезныя такія. Там трэба на лапку націскаць, каб прабілася».
«Мне падабаецца як жыхары Мінска адмаўляюць існаванне астатніх гарадоў».
«Каментары — гэта чарговы доказ, што Мінск і Беларусь гэта зусім розныя месцы», — падсумаваў адзін з карыстальнікаў.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары
Яны панатыкалі паўсюль камеры відэаназірання, ні ўздыхнуць, ні пёрнуць (прабачце) без відэафіксацыі.
Усё вышэйшае кіраўніцтва, якое знаходзіцца ў Мінску, - не мінчане.
Возьмем напрыклад кіраўніка Мінску: *Владимир Евгеньевич Кухарев (род. 19720Тимоново, Климовичский район, Могилевская область) — белорусский государственный деятель. С 3 сентября 2020 года — Председатель Минского городского исполнительного комитета.*
Яму пытанні задавайце: чаму ён не развівае родную Магілёўскую вобласць, а палез кіраваць Мінскам. Мінчанам не даюць вырашаць пытанні ўласнага гораду.
Гадамі немагчыма вырашыць простае пытанне - пакласці плітку на сцежку. Каб людзі па гразі не тэпалі ля метро. Затое грошы марнуюцца на падвясныя кашпо з петуніямі і іх паліў палівальнымі машынамі (!!!),ўздоўж таго ж самага праспекта, дзе людзі бруд месяць нагамі ўжо гадоў 15.
А ў мікрараёнах-новабудоўлях дзясяткамі і сотнямі гінуць пасаджаныя дрэвы. Без паліву і прыгляду. А касільшчыкі травы абдзіраюць маладую кару. Ад чаго дрэва гіне цягам аднаго года.
Напэўна выхадзец з Магілёўскай вобласці Кухараў лічыць усё гэта нармальным.