Ток-шоу 1 красавіка – трэцяе ў серыі веснавога цыклу дыскусій ад кампаніі «Будзьма беларусамі!» па высвятленні стасункаў з культурай. Гэтым разам на чыстую ваду будуць выводзіцца ўзаемаадносіны паміж… бізнэсам і мастацтвам.
Мастацтва і бізнэс – самыя значныя спосабы самавыяўлення чалавека. Яны могуць задзейнічаць чалавечыя рэсурсы самым неверагодным чынам.
У многіх еўрапейскіх краінах супраца бізнэсу і культурнага сектара – справа ўжо звыклая і прыносіць відавочную карысць і адным, і другім. Прымаюцца законы, дзякуючы якім дзяржава перакладае частку сваіх клопатаў пра культуру на плечы бізнэсу.
У Беларусі сітуацыя іншая. З аднаго боку, дзяржава з розных прычынаў не надае належнай увагі культурніцкай сферы. Бізнэс жа найчасцей успрымае «культуру» як пабіраху, а «культура» глядзіць на бізнэс выключна як на «кашалёк». Камунікацыйная праблема відавочная. Што яшчэ перашкаджае супрацы паміж бізнэсам і мастацкімі коламі і «падсілкоўвае» розніцу ў мысленні прадстаўнікоў названых сфераў?
Паспрабуем пабудаваць камунікацыйныя «масты» разам!
Цягам ток-шоу мы складзем супольны «слоўнік-перамоўнік» паміж бізнэсам і мастацтвам, надаючы асаблівую ўвагу наступным пытанням:
- Што дае падтрымка культурніцкага праекта бізнэс-кампаніі?
- Дзе і як шукаць кампанію-спонсара? Які культурніцкі праект можа «зачапіць» бізнэс?
- Ці мусіць «прагінацца» аўтар праекта пад патрабаванні/жаданні спонсара?
- Якое месца маралі ў падборы брэнда-партнёра?
- Доўгатэрміновае партнёрства паміж бізнэсам і мастацтвам рэальнае?
Экспертамі выступяць культуролагі, культурніцкія менеджары, прадзюсары, бізнэсоўцы.
Мадэратар: Усевалад Сцебурака, паэт, празаік, шоўмэн.
Крэатыўная прастора «ЦЭХ», прасп. Незалежнасці, 58, к.6 (праход праз вул. П.Броўкі), дальні пад’езд, 2 паверх.
Уваход вольны.
Запрашаюцца ўсе цікаўныя і неабыякавыя!
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве2
Каментары