Жыхару Мазырскага раёна далі пажыццёвае за жорсткае забойства суседскай пажылой пары
Гомельскі абласны суд вынес прысуд у дачыненні да 36-гадовага жыхара Мазырскага раёна, які прызнаны вінаватым у забойстве дваіх пенсіянераў, крадзяжы і падпале, піша «Гомельская праўда».
Па матэрыялах справы, абвінавачаны пражываў па суседстве з пацярпелымі мужам і жонкай. Напрыканцы лютага ён пазычыў у пенсіянеркі 3000 расійскіх рублёў (каля 30 даляраў), паабяцаўшы вярнуць праз некалькі дзён. Раніцай 4 сакавіка мужчына прыйшоў да суседкі, каб папрасіць адтэрміноўку, бо грошай у яго не было. Падчас размовы жанчына абурылася.
Сусед схапіў металічны шуфлік і некалькі разоў ударыў ім пенсіянерку па галаве і тулаве. Ён таксама біў яе нагамі і іншымі прадметамі. Усяго нанёс жанчыне не менш за 11 удараў. На крыкі з пакоя выйшаў муж на якога мужчына таксама напаў.
Калі пенсіянеры перасталі падаваць прыкметы жыцця, абвінавачаны абшукаў дом і выкраў кашалёк з 6000 расійскіх рублёў, 105 далярамі і 10 беларускімі рублямі. Каб знішчыць сляды злачынства, ён падпаліў рэчы ў трох пакоях і сышоў.
Экспертыза паказала, што жанчына памерла на месцы ад атрыманых траўмаў, а яе муж загінуў ад атручэння чадным газам. Пажарам было знішчана і пашкоджана маёмасць пацярпелых.
Абвінавачанаму прызначана пакаранне ў выглядзе пажыццёвага зняволення ў калоніі асаблівага рэжыму.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра19
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»99
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»9
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары