Экс-прэзідэнт Кыргызстана Курманбек Бакіеў завочна прысуджаны ў краіне да 25 гадоў пазбаўлення волі за арганізацыю замаху на грамадзяніна Вялікабрытаніі Шона Дэйлі.
Брат былога прэзідэнта Жаныбек Бакіеў па гэтай справе прысуджаны да пажыццёвага пазбаўлення волі з канфіскацыяй маёмасці.
Старэйшы сын былога кіраўніка дзяржавы Марат Бакіеў прысуджаны да 20 гадоў калоніі з канфіскацыяй маёмасці, малодшы сын Максім Бакіеў — да пажыццёвага пазбаўлення волі з канфіскацыяй маёмасці, паведамляе Unian.net.
Следствам было ўстаноўлена, што ў 2005 годзе сям'я Бакіевых вырашыла завалодаць залатарудным радовішча Джэруй у Таласкай вобласці Кыргызстана, якое на той момант належала кампаніі Oxus Gold. Яе кіраўніком з'яўляўся брытанскі грамадзянін Дэйлі, і сям'я Бакіевых вырашыла яго ліквідаваць, адзначаецца ў справе.
«У Дэйлі ў 2006 годзе было зроблена 6 стрэлаў з пісталета калібра 5,6, аднак дзякуючы своечасова аказанай медыцынскай дапамогі іншаземец выжыў», — адзначылі ў судзе, які выносіў прысуд.
Прэзідэнт Бакіеў быў зрынуты ў выніку рэвалюцыі ў красавіку 2010 года. Разам з ім рэспубліку пакінулі Жаныбек Бакіеў, які ўзначальваў Службу дзяржаўнай аховы; які працаваў да гэтага намеснікам старшыні дзяржкамітэта нацыянальнай бяспекі Марат Бакіеў і які кіраваў Цэнтральным агенцтвам па развіцці інвестыцый і інавацый Максім Бакіеў.
Курманбек Бакіеў з неафіцыйнай жонкай і двума дзецьмі прыехаў у Беларусь па асабістым запрашэнні Аляксандра Лукашэнкі 19 красавіка 2010 года.
Курманбек Бакіеў, яго брат Жаныбек, сын Марат і іншыя набліжаныя завочна былі абвінавачаныя ў масавым забойстве, спалучаным з перавышэннем службовых паўнамоцтваў, і аб’яўлены ў міжнародны вышук.
Новыя ўлады Кыргызстана неаднаразова звярталіся ў Генпракуратуру Беларусі з просьбай аб выдачы Бакіева, але атрымлівалі адмову. На думку беларускага боку, прававых падстаў для задавальнення просьбы аб выдачы Бакіева няма.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары