Партыя рэгіёнаў склікае на сёння, 16 красавіка, надзвычайны з'езд дэпутатаў усіх узроўняў Данецкай вобласці. Пра гэта паведамілі ў прэс-службе абласной арганізацыі партыі.
«Выбраныя прамым галасаваннем жыхароў Данецкай вобласці дэпутаты сельскіх, пасялковых, гарадскіх, раённых, абласнога савета і Вярхоўнай рады Украіны маюць легітымныя паўнамоцтвы прадстаўляць тэрытарыяльныя грамады Данецкай вобласці і з'яўляюцца адзінымі паўнапраўнымі выразнікамі меркавання жыхароў Данеччыны», — паведамілі ў прэс-службе.
З'езд павінен аб'яднаць асноўныя патрабаванні жыхароў рэгіёну і вылучыць іх цэнтральным органам улады.
«Гэта дэцэнтралізацыя ўлады: прамыя выбары губернатара, пашырэнне паўнамоцтваў для рэгіёну, у тым ліку бюджэтная аўтаномія, а таксама дзяржаўны статус расійскай мовы. Наша мэта — абараніць інтарэсы Данбаса, прадухіліць раскол Украіны і спыніць далейшае кровапраліцце», — заявілі ў прэс-службе.
Цяпер чытаюць
На аўташоу ў Лідзе ледзь не загінуў адзін з самых знакамітых каскадзёраў Беларусі — яго відэа сабралі амаль паўмільярда праглядаў. Што з ім цяпер?2
Каментары